पाँच वर्षका लागि नविकरण भयो एनसेल।
मोबाइल सेवा प्रदायक कम्पनी एनसेल नवीकरण भएको छ । एनसेलले नेपाल दूरसञ्चार प्राधिकरणबाट आइतबारको मितिमा ५ वर्षका लागि नवीकरण भएको पत्र पाएको हो ।
मन्त्रिपरिषद्को निर्णयअनुसार पहिलो किस्ताको ५ अर्ब तिरेर एनसेल नवीकरण भएको बताइएको छ । प्राधिकरण स्रोतका अनुसार एनसेलले बाँकी ३ किस्ता बापतको १५ अर्ब प्रत्येक वर्ष ५–५ अर्बको दरले तिर्नेछ ।
एनसेलले नवीकरणका लागि गत जेठमा नै नेपाल दूरसञ्चार प्राधिकरणमा निवेदन दिएको थियो । तर भदौ १३ गते मात्रै मन्त्रिपरिषद्ले चार किस्तामा बक्यौता बुझाउन सक्ने सुविधासहित एनसेलको अनुमतिपत्र नवीकरण गर्ने निर्णय गरेको थियो ।
