थाङ्मी संग्रहालयका परिकल्पनाकार शंकरमान र पूर्व प्रधानपञ्च ढेवा थामी सम्मानित
राङ्राङ्थली (दोलखा), मङ्सिर ३० गते ।
राष्ट्रिय थाङ्मी संग्रहालयका परिकल्पनाकार एवम् अगुवा शंकरमान थामी सम्मानित हुनुभएको छ ।
दोलखा राङ्राङ्थली हाम्रो थामी समाज र यापती सोनारी संरक्षण तथा सम्वद्र्धन समाजले उद्यौली पर्व (भुम्या पुजा) को अवसरमा आयोजना गरेको सांस्कृतिक कार्यक्रममा उहाँ सम्मानित हुनुभएको हो । उहाँसँगै राष्ट्रिय संग्रहालय निर्माणमा योगदान पु¥याउनुभएका पूर्व प्रधानपञ्च ढेवा थामीलाई सम्मानित हुनुभएको छ ।
भीमेश्वर नगरपालिकाका उपप्रमुख कमला बस्नेत र वडा नं. १ का अध्यक्ष माधव थामीले खादा तथा फूलमाला लगाएर उहाँहरुलाई सम्मान गर्नुभएको हो ।
कार्यक्रममा बोल्नुहुँदै शंकरमान थामीले संग्रहालय बन्नका लागि थाङ्मीको पुख्र्यौली सामानहरु राख्नुपर्ने बताउनुभयो । उहाँले ऐतिहासिक एवम् पुख्र्यौली सामाग्री संग्रहालयमा संग्रह गर्नुपर्ने भएपनि सुरक्षाको व्यवस्था नहुँदा समस्या उत्पन्न हुन सक्ने उहाँले बताउनुभयो ।
उपप्रमुख कमला बस्नेतले शंकरमान थामीबाट संग्रहालय निर्माणको प्रस्ताव आएको भन्नुहुँदै उहाँलाई धन्यावद ज्ञापन गर्नुभयो । उहाँले थामीको संग्रहालयमा आवश्यक ऐतिहासिक सामाग्री संकलन गर्दै लानुपर्ने भनाइ राख्नुभयो ।
उपप्रमुख बस्नेतले भीमेश्वर नगरपालिकाको सहयोगमा संग्रहालय निर्माण भएको भएपनि यस क्षेत्रमा अझै व्यवस्थित सडक, शौचालय तथा सुरक्षाको व्यवस्थापन गर्न आवश्यक रहेको बताउनुभयो ।
यसैगरी, पूर्व प्रधानपञ्च ढेवा थामीले थामीहरु देशका विभिन्न जिल्लामा फैलिएको भएपनि लोप हुने अवस्थामा पुगेको भन्नुहुँदै दुख व्यक्त गर्नुभयो । आफ्नो अधिकार प्राप्त गर्नका लागि थामी समुदाय थप सक्रिय भइ अघि बढ्नुपर्ने उहाँको भनाइ छ ।
